Dëshironi të dini përse boksi preferohet së fundmi edhe nga femrat, njihuni me pikat e mëposhtme:

 

1- Praktikimi i këtij sporti mundet të zhvillohet lehtësisht dhe në shtëpi, vetëm me një palë doreza-boksi, një palë goditje-pritëse boksi, gjithashtu nëpër palestra modeste aerobie, në natyrë etj.

2- Duke marrë parasysh të papriturat të cilat kemi në jetë ose thjesht për të ndihmuar dikë që gjendet në rrezik, përgatitja fizike nga ushtrimi i këtij sporti me eksperiencën, ju siguroj se do t’ju nxjerrë nga situatat e pakëndshme.

3- Një tjetër ndryshim që mundet të sjellë në jetën tuaj është dhe lënia e alkoolit, duhanit për shkak se praktikimi i këtij sporti rrit vetëbesimin, sipas një studimi mungesa e vetëbesimit lidhet drejtpërdrejt me konsumimin e alkoolit dhe duhanit.

4- Përgatitja fizike e sportit të boksit, është e lartë duke marrë parasysh se i gjithë trupi ndryshon në një hark kohor prej 3-muajsh.

5- Duke marrë parasysh problemet fizike si lodhja, stresi dhe virozat e ndryshimeve të stinës ushtrimi i aktivitetit të boksit ndikon drejtpërdrejt në rritjen e energjisë trupore, e si pasojë e rritjes së energjisë trupi është me pak i predispozuar të preket nga virozat apo stresi.

 

 

Po cilat janë specifikat e përgjithshme të boksit?!

Boksi është një sport burrëror preferohet shumë dhe nga femrat. Duke qenë një sport impenjativ dhe dinamik, pamjen fizike që të dhuron ky sport, në të njëjtën kohë mjaft argëtues. Boksi në pamje të pare të jep përshtypjen e një sporti të rrezikshëm, me përplasje fizike ku fiton më i forti, në të vërtetë është e kundërta.

Boksi klasifikohet tek sportet që kërkojnë inteligjencë menaxhimi, rezistencën fizike për të boksuar në nivelet që kërkohet.

Harxhon dhe djeg rreth 600 kalori, më shumë se sa mundemi të djegim duke vrapuar apo duke bërë ushtrime të ndryshme për kardio (kros, anaerobi, aerobi) në të njëjtën kohë paralelisht. Por e veçanta e këtij sporti është se gjatë gjithë kohës që ushtrojmë boks jemi të stimuluar, të motivuar për të vazhduar trajnimin, duke ndjerë kënaqësi në lodhje dhe duke mos u ndjerë të këputur aspak që jemi duke djegur sasi të mëdha kalorish.

Boksi vë në lëvizje të gjitha pjesët e trupit gjatë trajnimit si; pulsin (zemrën), belin, këmbët, krahët, gjoksin, shpinën, si dhe ndihmon zhvillon vigjilencën, reflekset, shkathtësinë reaguese.

Ajo që është më e rëndësishme shkarkimin e energjive negative, shkarkimin të stresit etj.

Këto statistika, eleganca e këtij sporti kanë tërhequr gjininë femërore që ta praktikojë dhe ushtrojnë këtë sport për të djegur më shume kalori për argëtim, t’a simpatizojnë duke e futur tek programet ditore. Personalisht tek palestra ku punoj klientët që kam dhe merren me aktivitet fizik pjesa dërmuese e tyre shprehin interes të madh për këtë sport sidomos femrat, për praktikimin, zhvillimin e tij.

Duke marrë parasysh përgatitjen e lartë fizike, mendore që kërkon ky sport, mund t’ju them pjesa më e madhe e ish-kampioneve të botës, sot janë të suksesshëm në fushat e politikës dhe biznesit. Sporti është kulturë, në qoftë se do te kemi vullnet te merremi me aktivitet, disiplinë sportive. Kjo do të thotë të kemi vullnet dhe sukses në çdo gjë në jetë.